Mo kron, intra u mega foresta pa es tri ursus. Mu habita u dekora domi intra u pusi klara, sed holo peri u domi pa habe plu dendro. Ki apo u domi, u steno via pa duce inter plu dendro.

Singu matina, u matri ursus pa kuko pulsa pro mu prima vora. Sed freqe, u ge-kuko pulsa pa habe mega tro termo pro plu ursus te vora, e mu pa nece atend id gene sati tepido.

U-ci di pa eqa tal u di, e u patri ursus pa judika ke mu sio gresi intra u foresta tem u pulsa pa gene ma tepido. An famili pa hedo akorda, ka id pa es u fo kali di de tosto blasto-tem. Ko-co, mu pa vesti-se kongrue ko u fresko aero: u matri ursus pa vesti u kefa-ve e u lana tegu; u patri ursus pa habe epi an u paki mantela; e u pusi ursus pa vesti-se in no-braki mantela e poda-ve.

Pre mu pa ki apo u domi, u patri ursus pa moti tri sedi-mo peri u tabla; u matri ursus pa loka tri disko epi u tabla antero plu sedi-mo, e pa fusi u pulsa in mu; e seqe u-la, u pusi ursus pa loka tri spatula para plu disko.

Kron mu pa ki ex u domi, Patri ursus pa tira u janua tende klude id, sed an ne pa examine id: u di pa habe ta kali ke an pa kurso te juga an famili; qi, a tem, pa du tako moti longi u via. U janua pa reste sub aperi, e plu ursus pa vanesko in u foresta.

Ko-co, iso tem plu ursus pa du gresi apo mu domi, u pusi ju-fe; qi pa es ge-lose intra u foresta, pa veni in u klara. Fe pa vide un ursus domi, e pa kurso, voka, ad id.

Po oligo minuta, fe pa sto voka, poi fe pa komence bate ko fe manu u janua, dice, "Mi nima es Kriso-ciri. Place lase mi in; mi es ge-lose!"

E nu, te explika de Kriso-ciri: u ju-fe pra vaga in u foresta minus permito. Holo tem, fe pa tange plu ra; qi fe pa gene dice ne tange, e pa ki a plu loka; qi fe pra gene dice ne ki. Tem u-la ideo di ke plu ursus pa du gresi in u foresta, Kriso-ciri pra judika, pluso, skope plu natura flori in u foresta.

Minus kogita, fe pra ki ma e ma tele in u foresta, e fe pra gene toto ge-lose. E nu, in u klara, fe detekti u pusi-do in qi es no persona. Ko bi pluso forti bati epi u janua, id pa aperi. Iso tu sio expekta, fe pa lase-se in. Intra u domi, fe ne pa kredi fe vide: epi u tabla plu disko de fresko pulsa pa du vapori, e fe pa habe ta fago-vo.

Prima, fe pa tenta u makro sedi-mo de u partri ursus, sed id pa habe tro sklero, e plus, u pulsa intra u makro disko pa habe tro termo. So, fe pa judika tenta u seqe loka.

U meso sedi-mo pa es ma pusi de u prima, sed id pa habe u grandi pulvina epi id, e u-ci pa habe tro moli. Plus, u pulsa antero id, in u meso metro disko pa habe tro frige. Imedia po gusta u-ci frige pulsa, fe pa salti ex u moli sedi-mo, e pa kurso ad u hetero latu de u tabla.

La fe pa tenta u pusi sedi-mo; qi pa habe fo kongrue pro fe, plus, u pulsa intra u pusi disko pa eqa veri exakto pro fe, e fe pa toto fago id. Anti fe pra habe pleni de fago-ma, fe pa vo habe ma. Fe pa vo habe ma pulsa, e pa du gene koleri.

Kron fe pa koleri bate u tabla ko u spatula par u vakuo disko, u sedi-mo, in qi fe pa du sedi, pa frakto. Seqe-co, Kriso-ciri pa tako kade ad u pedi-lo, e pa gene u mega bate ex id.

Ka fe natura, u-ci bate pa kausa fe te gene ma koleri. Fe pa vo voka, sed pre fe pa aperi fe stoma te akti id, fe pa kogita; fe pa habe mega somni este, e u pedi-lo pa es fo konsola. Fe pa este fo fatiga po fe vaga intra u foresta, e fe pa ski; fe pa nece habe somni.

Minus u seqe kogita pro u ge-noce kuko-ka, Kriso-ciri pa gene epi fe plu pedi, e pa peti ana plu skala ad u supra-stratu, te gene u kli. Fe pa kade epi u prima kli; fe skope, sed id pa habe mega sklero: u-ci mega kli pa pertine u patri ursus. No hedo, fe pa leve-se te kade epi u kli; par u-ci sklero mo.

Anti-co, u sekunda kli pa pertine u matri ursus, e, iso u pulvina, pa habe mega tro moli. Id ne pa place u pusi ju-fe. Fo fatiga, fe pa leve-se te tenta un ultima kli.

Kron kriso-ciri pa horizotali auto epi u kli tri, fe pa imedia somni. U ju-fe, habe ta somni e ta pleni de pulsa, ne pa habe un abile te ten aperi fe plu okula. Plus, u pusi ursus kli pa dona ta konsola a fe, ke fe pa profundi somni.

Fe pa du somni kron plu ursus pa ki verso te vora mu prima-vora. Sed qod konfusi! "Qod persona pa du vora mi pulsa?" pa dice u patri ursus.

"E qo-pe pa du vora mi pulsa?" pa dice u matri ursus.

E, pa voka u pusi ursus, "Qo-pe pa du vora mi pulsa? Mu pa vora holo id!"

Ko-co, u patri ursus pa vide ke an sedi-mo pra es ge-moti: "Qod-pe pa du sed epi mi sedi-mo?" pa dice u patri ursus.

U matri ursus, vide ke fe pulvina pa es ge-plati, pa dice, "E qo-pe pa du sed epi mi sedi-mo?"

U no-hedo pusi ursus pa vide an ge-noce sedi-mo, e pa voka, "E qo-pe pa du sed epi mi sedi-mo? Mu pa holo frakto id!"

Plu ursus pa skope-se ko mira, e rogo-se de pluso noce de mu domi. Tako, mu pa ki ana plu skala te skope u supra-stratu. U patri ursus pa es u prima ki in u kli-ka, e, kron an pa vide u tegu ex an kli, pa dice, "Qo-pe pa du somni intra mi kli?"

E u matri ursus, vide u kavita intra fe moli kli, pluso dice, "E qo-pe pa du somni intra mi kli?"

Kron u pusi ursus pa gene to an kli, an pa vide Kriso- ciri, e pa voka, "Uno-pe pa du somni intra mi kli, e fe, a nu, es la!"

U matri e patri ursus, akusti plu-ci nova, pa kurso ad u pusi ursus kli. Mu pa du skope u ra; qi pra kausa ta noce intra mu domi, sed mu pa no-kredi ke u pusi ju-fe sio posi kausa holo u-la noce.

U proxi-lo de plu ursus pa sti vive Kriso-ciri; qi pa judika ke plu in-habita de u domi posi sio habe koleri pro fe. So, fe pa salti ex u kli, e, minus u "Saluta," pa kurso ad u fenestra, e pa peti-se ad u tera infra id.

Plu ursus, ge-trauma de fe no-civili mode, pa tako moti ad u fenestra: la mu pa skope mu juve visita-pe kurso longi u steno via, e mu pa tosto lose vista de fe. U matri ursus pa voka, "Veni retro pusi ju-fe: veni te dice ko na." Sed Kriso- ciri pa ski ke fe pra es fo mali, e fe ne pa kredi ke u matri ursus sio posi habe amika este pro fe.

Tristi, plu ursus pa atende u seqe visita ex mu pusi amika, sed minus profito. Mu Pa freqe dice de u festa; qi mu sio don a fe, si fe ki itera a mu domi.

Kriso-ciri pa gene ta trauma ex un acide ke, ex u-la tem, fe pa holo-tem respekto plu ra de plu hetero-pe, e pa obedie un ad-voka; qi plu hetero-pe pa don a fe.

Poli-kron, po fe visita ad u foresta, Kriso-ciri pa rogo auto si plu ursus pa ali-kron pardo fe. Qe, Kriso-ciri pa seqe ki itera, in u foresta, te don a plu ursus fe apologi?

Posi fe pa ki-in la, te cerka un ursus domi, sed na fu nuli ski.

Main menu ; Return to Stories index ; Next story